ସମ୍ବଲପୁର;୦୩/୧୧(ମୋର୍ ସମିୟା) ୨୦ ଟଙ୍କିଆ ପାଉଁରୁଟି ଟେ ଲାଗି ବଲି ନିରୀହ ପଶୁ କେ ହତ୍ୟା କଲା ମଣିଷ । ଭୁଲିଗଲା ମାନବିକତା । ଏନ୍ତା ଗୁଟେ ଘଟଣା ଘଟିଛେ ସମ୍ବଲପୁର ଜିଲ୍ଲା ହୀରାକୁଦ ଅଞ୍ଚଳ ରେ । ହୀରାକୁଦ ବଜାର ର ଶିବରାମ ମହାନ୍ତି ନାମକ ଗୁଟେ ଦୋକାନୀ ର ଦୁକାନ ରୁ ରବିବାର ସକାଳେ ଗୁଟେ ଷଣ୍ଢ ୨୦ ଟଙ୍କିଆ ପାଉଁରୁଟି ଖାଇ ଦେଇଥିଲା । ଖାଇ ଦେବାର ଉତାରୁ ଦୋକାନୀ ରାଗେ ପାଖେ ଥିବାର ଗୁଟେ ଧାରୁଆ ଚକୁ ରେ ଷଣ୍ଢ କେ ଭୂଷି ଦେଇଥିଲେ । ଜୀବନ ବିକଲ ରେ ଷଣ୍ଢ ଇଆଡେ ସଆଡେ ଦୌଡ଼ିବାର୍ ରେ ଲାଗଲା । କିନ୍ତୁ କିଛି ମିନିଟ ଭିତରେ ହିଁ ଷଣ୍ଢ ର ଜୀବନ ଚାଲିଗଲା । ଘଟଣା ସ୍ଥଳରେ ଦେଖେନହାରି ଲୋକ ଦୋକାନୀ କେ କାବୁ କରିଥିଲେ । ଖବର ପାଇ ଘଟଣା ସ୍ଥଳରେ ରେ ହୀରାକୁଦ ପୋଲିସ ପହଞ୍ଚି ଦୋକାନୀ ବିରୁଦ୍ଧ ରେ ମାମଲା ରୁଜୁ କରି ଦୋକାନୀ ଶିବରାମ ମହାନ୍ତି କେ ଗିରଫ କରିଛେ । ହତ୍ୟା କରିଥିବାର ଚାକୁ କେ ବି ଜବତ୍ କରିଛେ ପୋଲିସ୍ ।ଘଟଣା କେ ନେଇ ଗୋସେବକ ସଂଘ ଆର୍ ବଜରଙ୍ଗ ଦଳ ଆଡୁ ଲିଖିତ ମାଧ୍ୟମ ରେ ଏତଲା ଦିଆଯାଇଛେ ।
