ବରଗଡ଼;୨୩/୧୦ (ମୋର୍ ସମିୟା) ବରଗଡ଼ ଜିଲ୍ଲା ବିଜେପୁର ଥାନା ଟି ଗଣ୍ଡପାଲି ପଞ୍ଚାୟତ କର୍ଣ୍ଣପା ଗାଁ ରେ ଜଣେ ୭ ବଛର ର ଛୁଆ କେ ମାରଲା ୧୩ ବଛର ର ଛୁଆ। ପରିବାର ଲୋକ ର ଅଭିଯୋଗ ଅନୁସାରେ ୨୧ ତାରିଖ ୨ ବଯେ ୩ ଜନ୍ ସାଙ୍ଗ ମାନକର ସାଙ୍ଗେ ମାଛ ଧରବାର କେ ବାହାରିଥିଲେ। ସନ୍ଧ୍ୟା ଯାଇ ରାତି ହେଲା ପରେ ବି ନାଇ ଫିରିଥିଲେ ଘର୍ କେ ଆଶିଷ । ପରିବାର ଲୋକେ ବହୁତ୍ ଖୁଯାନୁରା ପରେ ବି ନାଇ ପାଇଥିବାର ନୁ ବିଜେପୁର ଥାନା ରେ ଲିଖିତ ଅଭିଯୋଗ କରିଥିଲେ ବାପା ରାଜିନ୍ଦ୍ର । ଫେର୍ ଥରେ କାଲି ଖୁଜାନୁରା କରବାର ନୁ ଗାଁ ପାଖର ବନ୍ଧ ନୁ ଆଶିଷ ର ମଲା ଦେହେ ମିଲିଥିଲା। ଖବର ପାଇ ଘଟଣା ସ୍ଥଳରେ ବିଜେପୁର ପୋଲିସ ବି ପହଞ୍ଚିଥିଲା। ମୃତ ଆଶିଷ ର ଦେହେ ରକତ ଲାଗିଥିବାର ନୁ ଇଟା ଗୁଟେ ହତ୍ୟା ବଲି ସନ୍ଦେହ କରିଥିଲା ପୋଲିସ । ମଲା ଦେହେ କେ ଜବତ୍ କରି ବରଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟ କେ ଶବ ବ୍ୟବଛେଦ ଲାଗି ପଠେଇ ଦିଆ ଯାଇଛେ । ୧୩ ବର୍ଷ ର ନାବାଳକ କେ ବିଜେପୁର ପୋଲିସ ଅଟକ ରଖି ତଦନ୍ତ ମୁଲ କରିଛେ। ମାଛ ଧରବାର ବଂଶୀ କଟା ପକାବାର ଲାଗି ବଚସା ହେଇଥିଲା, ସେନୁ ନାବାଳକ ବେକେ ଗାମଛା ବାନ୍ଧି ହତ୍ୟା କରିଥିବାର ତଦନ୍ତ ନୁ ଜଣା ପଡ଼ିଛେ।
